Liso u rhandza ku nghena eka inthanete. Webusayiti leyi a yi rhandzaka yi na swilo hinkwaswo leswi a swi lavaka leswaku a ta

hungasa. U dyondza mixaka hinkwayo ya mincino. U dyondza swilo swo tsakisa swa ntumbuluko. U endla vunghana na vanhu

hinkwavo emisaveni. “A hi fambi hi ya ephakeni,” ku vula Tatana, a ri karhi a langute ehenhla ka leputhopo ya yena.

“Swi nga antswa ndzi nghena eka inthanete,” ku vula Liso. “Ndza swi kota ku tlanga, ndza dyondza, na ku tiolola,” a vula.

“Xana hikwalahokayini ndzi fanele ndzi ya kun’wana?” “Lokoswiritano,” ku vula Tatana.

“Ku na swilo swo hlamarisa leswi nga kona emisaveni ya ntiyiso…” “Sweswo swi khale,” ku vula Liso.

“Sweswo swi twala swi hlamarisa!” “A swi ri tano,” ku vula Thalia. “Manana u te i xinyenyani xa xinuna.

A xi vuyisa swakudya exisakeni.” Thalia a karhele ku cina, kutani Liso a rhumela hungu eka Ina munghana wa yena.

“A hi fambi hi ya tlanga ephakeni yo tsakisa eka inthanete,” ku vula Liso. “A ndzi nge swi koti,” Ku hlamula Ina.

“Ndzi ya ephakeni na vatswari va mina. Eka misava ya ntiyiso!” “Hiswona,” ku vula Liso.

“Ndzi ta vulavula na wena nkarhi lowutaka.” Liso a anakanya nkarhi wo leha. Kutani a huwelela. “Tatana!” a huwelela.

“A hi fambi hi ya jika ephakeni!” Tatana a pfala leputhopo ya yena. Eka inthanete, Liso u hlanganile na munghana wa yena

Jamila. “Xana u endla yini?” ku vutisa Jamela. “A ndzi endli nchumu,” ku vula Liso. “A ndzo va eka inthanete.”

“Swi kahle,” ku vula Jamila. “Hi fambile hi ya jika ephakeni. Hi vonile swinyenyana swo hambanahambana.

Hi tlhele hi vona xinyenyani xa soha xi ri karhi xi aka xisaka exidziveni! “Hey, swi kahle sweswo!” ku vula Liso.

“Tatana u ri xinyenyani xa xinuna xi aka xisaka, kutani lexa xisati xi xi kambela. Ndzi ehleketa leswaku a xi nga xi lavi,

xitlhantlhile xisaka hinkwaxo!” Endzhaku Liso a vulavula na munghana wa yena Thalia. “A hi cini,” ku vula Liso.

“ Hi xinkadyana” ku vula Thalia. “ Ndzi karhele ndzi vuya a ku tsutsumeni.” “A ku tsutsumeni?” ku vutisa Liso.

“Xana a wu tsutsuma kwihi?” “A hi tsutsuma enhoveni yo saseka,” ku vula Thalia. “Hi vone mhunti, ntohe, na xinyenyani xa

gogosani, na nomo wa xona wo saseka wa xilamula na ncila lowo leha.” Ephakeni, Liso na Tatana wa yena va vonile xinyenyana

xo hatima xa wasi xi ri na ncila wo leha, na xifuva xa rihlaza. “Yoo,” ku vula Liso. “Ndzi leku hlamaleni leswaku i xinyenyani xa

muxaka muni!” “Ndzi anakanya leswaku i Knysna lori,” ku vula Tatana. “A hi ringeti ku xi landzelela.”

Xinyenyani a xi haha kusuka eka nsinya wun’wana ku ya eka wun’wana. Xinyenyani xi tile xi ta wisa erhavini ra nsinya.

Xinyenyani xi phatsamile eka sayikhadi. Liso na Tatana wa yena a va xi landzelela, hinkwako laha a xi ya kona.

“Liso, hikwalakokayini u nga vuli ku ri ahee,” ku vula Tatana. “Kumbe i kwenyana ya masingita?” Liso a basisa rito…

“Ahee kwaleho,” rito ri huma. “Xana u endla yini laha?” Mahlo ya Liso na Tatana ma pfuleka swinene…

Ekusuhi na vona, exikarhi ka phaka, a ku ri Jamela, Thalia na Ina, na vatswari va vona! “Hilexiya kwenyana nakambe,”

Liso a huwelela. “A hi xi landzeleleni!” “Swinyenyani leswi swi hi endle hi suka emahlweni ka swikirini swa hina, hi huma

etindlwini, ku ya vona ntumbuluko swin’we,” ku vula Tatana wa Liso. “I swinyenyani swa masingita.”

Swo tsakisa hi Nal’ibali

Mianakanyo yo bula hayona

Xana u endla yini ku tinyanyula? Xana u vulavula njhani na vanghana va wena? I yini inthanete?

Xifaniso

I ndhawu yihi yale handle leyi u yi rhandzaka? Dirowa xifaniso xa wena lena.

Ku Hlaya

Vana fokisi ro lavisisa ntsheketo! I swinyenyana swingani swo hambana swi vuriwaka eka ntsheketo? Xana u nga kuma mavito na swiharhi swimbirhi swa le nhoveni? I xivulwa xihi xi ku byelaka leswaku Liso a nga ha swi lavi ku ya ephakeni? I tindlela tingani to hambana Liso a nga na tona to vulavurisana na vanghana va yena?

Ku Tsala

Tsala hungu ra tsalwa leri Liso a nga vaka a ri tsalele munghana un’wana wa yena loko a fika ekaya ku suka ephakeni.

Ntirho wa vutshila

Tirhisa swinhongana, byanyi na matluka ku aka xisaka xa xinyenyana xa wena. Encenyeta Yana eka phaka leyi u yi ehleketaka: tiololi ku vona leswi a nga le henhla ka misinya, korhama ku langutisa swimilana na swiharhi leswi nga le kusuhi na misava no landzelela xinyenyena lexi hahaka ku suka ensinyeni xiya eka wun’wana.