Hank Tshisele tsha Ngamula tsho vha tshi mubiki makone ngei mavhaleni.

U futelela hatsho u wana thimbinywa dza nṱhesa dza u bika zwo vha zwi tshi tshi fhambanyisa na zwiṅwe.

Risipi ya ṋamusi yo leluwa, fhedzi zwiḽiwa zwo vha zwo khethea.

Tsho vha tshi tshi khou zwi dzudzanyela Nguluvheḓaka Wendy.

Yo vha yo vunḓea mulenzhe i tshi khou shavha phele dze dza vha dzo farwa nga ndala.

Risipi yo ṱoḓa thimbinywa dzine dza konḓa u wanala.

Vuluvulu ḽo tshi luma zwenezwi tshi tshi khou dzhia mitshelotshelwana na maṱamaṱisi a ḓaka.

Vhuṱungu ha vuluvulu ndi mafhungo a vhavhaho vhukuma.

Zwo dzhiela Hank awara dza tshivhalo u fhelisa vhuṱungu uhu. Hank tsho lwa tsha kunda ṱharu khulu.

Tshi ḓo ita ṋama ya muthetshelo u ḓifhaho ya tshitshulu.

Tsho konḓelela u lunwa nga ṋotshi dzi fhiraho ḓana tshi tshi khou dzhia muṋunzwu na mutoli wa u itela u nwa.

Phame dzi re khombo dzo sumbedza u sa tshi takalela musi tshi tshi gwa milindi yadzo tshi tshi khou ṱoḓa madumbe. Evho! Evho! Evho!

Hu sa athu fhela tshifhinga, tsha swika khuḓani ya Bada ya Nguluvheḓaka na Tshiṱarata tsha Baobab.

Khonani dza ḓifhelwa nga tshitshulu, dza nwa muṋunzwu ngeno dzi tshi khou sea maḓula mahulu ane a khou vhonala a tshi khou gungula nga nṱhani ha phosho ya dziṱhonono.

“Izwi ndi zwiḽiwa zwaṋu zwa nṱha u swika zwino,” hu amba Wendy, lulimi lwayo lu tshi khou nanzwa tshifhaṱuwo lu tshi kha ḓi ṱoḓa masalela.

“Zwi tea u vha zwo vha mushumo muhulu u zwi dzudzanya.”

“Hai, na luthihi,” Hank tsha fhindula sa madze. “Zwoṱhe ndi mushumoni wa ḓuvha, u tou amba ngoho.

Inwi ivhani no lindela tshiṱeki tshi rothisaho nthe tsha vuluvulu tshine na tshone tshi mudubani wa zwa matshelo!”