Hank wa Sesele yo Mobotse e be e le moapei yo mokaonekaone mo molaleng.

Phišagalelo ya gagwe ya go hwetša ditswaki tše dikaonekaone e mo dirile gore a fapane le ba bangwe.

Resipi ya lehono e be e le bonolo, efela sejo sa gona se be se kgethegile.

O be a beakanyetša Wendy wa Kolobesodi. O robegile leoto a tšhaba diphiri tše di bego di swerwe ke tlala.

Resipi e be e nyaka ditswaki tše go sego bonolo go di hwetša.

Hank o ile a fenya hlware ya go nona ka maatla.

E tlo ba nama ya bose ya setšhuu. O lomilwe ke dinose tša go feta tše lekgolo a ntšha todi le mamapo a seno.

Diphepheng tša mpholo di mo lomile ge a be a epa legae la tšona a ntšha madumbe. Ijoo! Ijoo! Ijoo!

Marabje e ile ya mo loma ge a be a topa dithetlwa le ditamati tša nageng.

Mpholo wa Marabje o kotsi. O tšere diiri tše mmalwa pele e fela mmeleng wa Hank.

E se kgale, o ile a fihla khutlong ya Warthog Avenue le Mmila wa Baobab.

Bagwera ba ile ba ipshina ka setšhuu, ba nwa todi ebile ba sega matlametlo a go befelwa a kgalemela ditsentsere tša go dira lešata. 

“Ke sejo sa gago se sekaonekaone se,” a realo Wendy, leleme la gagwe le kitima sefahlegong le setšha mašaledi. “Go beakanya se e swanetše e bile mošomo o boima.”

“Le gatee,” Hank a fetola. “Ke mošomo wa ka mehla, ka nnete. Emela go kwa seteiki sa go rothiša mare sa Marabje se se emetšego gosasa!