Jeb e be e le yo moswa. O be a se na bagwera.

O be a bolawa ke budutu. O be a sepela a nyamile, a raga maswika.

O be a na le tšhokolete ka potleng, efela gase ya thuša. O be a sa ikwa a nyamile. O be a na le tšhokolete, efela a se na bagwera.

 Jeb o nyakile a sepelela kgauswi le mosetsanyana. O be a lla. ‘Ijoo … nka go thuša?’ ‘Aowa.’ Jeb a tšea sebakanyana a nagana.

‘O nyaka tšhokolete?’ Mosetsanyana o ile a myemyela. ‘Ke a leboga.’ Jeb o ile a sepela le mosetsanyana. Ba nyakile go hwetša batho ba elwa! Bašemane ba babedi ba be ba elwa. Jeb a tšea sebakanyana a nagana. ‘Le nyaka tšhokolete?’ Bašimane ba ile ba emiša go lwa. ‘Ee!’

 Jeb le mosetsanyana le bašemane ba babedi ba ile ba sepela mmogo. Ba nyakile go hwetša lekgarebe la go ba le mpša.

Mpša e ile ya tšhoga kudu ge e bona Jeb le mosetsanyana le bašemane ba babedi, gomme ya tšhaba.

Go tšere nako ye telele go e swara. Lekgarebe le be le fufulelwa ebile le befetšwe. ‘O nyaka tšhokolete?’ Lekgarebe le ile la myemyela. ‘’Ee! Ke a leboga!’ Jeb o ile a mo fa seripa sa mafelelo sa tšhokolete ya gagwe. Yena o be a se sa na tšhokolete. Efela o be a na le bagwera!

Mehopolo eo le ka buang ka yona

Ge Jeb a be a abelana ka tšhokolete ya gagwe le ba bangwe, ba feleleditše ba eba bagwera ba gagwe. Ke ka tsela efe ye nngwe yeo re ka bego re feleleditše re le bagwera? Naa go ba le segwera go šupa eng go wena? Ke eng se se dirago gore batho ba ikwe ba le bodutung? Naa o kile wa ikwa o le bodutung?

Go bona

Thala seswantšho sa gago o ikwa o le bodutung.

Go bala Eya letlakaleng la mošomo mo:  Ngwala nomoro go lepokisi le lengwe le le lengwe go bea diswantšho ka tatelano. Hwetša sengwalwa ka kanegelong seo se sepelelanago le seswantšho se sengwe le se sengwe.

Go ngwala

Ngwalela motho yo a dirilego phapano bophelong bja gago ka go go swara ka botho.

Go dira dilo

Šomiša poleiti ya pampiri goba ripa khatapokisi ya nkgokolo. Ka lehlakoreng le tee thala sefahlego sa “go ikwa o le bodutung” gomme ka lehlakoreng le lengwe o thale sefahlego sa “go ikwa o thabile”.

Go bapala

terama Šomiša diswantšho tše di filwego dinomoro ka tshwanelo go anega kanegelo gape.