Jeb o vhuya a ṱoḓa thulana na kusidzanyana. Kwo vha ku tshi khou lila. “Um … ndi nga mu thusa?” “Hai.” Jeb a humbula lwa tshifhinganyana. “Ni nga takalela tshokhoḽeithi?” Kusidzanyana kwa mwemwela. “Ndi a livhuwa.”

Jeb na kusidzanyana vha mbo tshimbila vhoṱhe. Vho vhuya vha ṱoḓa na u ṱangana na nndwa! Vhatukana vhavhili vho vha vha tshi khou lwa. Jeb a humbula lwa tshifhinganyana. “Ni nga tama tshokhoḽeithi?” Vhatukana vha litsha ulwa. “Ee!”

Jeb na kusidzanyana na vhatukana vhavhili vha tshimbila vhoṱhe. Vho vhuya vha ṱoḓa u thulana na mufumakadzi we a vha e na mmbwa. Mmbwa yo vha yo tshuwa musi i tshi vhona Jeb na kusidzanyana na vhatukana vhavhili vhe vha vha vha tshi khou lwa, lwe ya fhedza nga u shavha. Zwo dzhia tshifhinga tshilapfu u i fara hafhu. Mufumakadzi o vha o neta nahone o sinyuwa.

Zwine ha nga ambiwa nga hazwo

Musi Jeb a tshi ṋea vhaṅwe tshokoḽeithi yawe, ho mbo ḓi vuwa vhukonani. Inwi no vha ni tshi nga vha no shumisa iṅwe nḓila ifhio kha u fhaṱa vhukonani? Vhukonani hu amba mini kha inwi? Ndi zwifhio zwi no ita uri vhathu vha pfe vhe na vhumvumvu? No no vhuya na pfa ni na vhumvumvu?

Tshifanyiso

Olani tshifanyiso tshaṋu tsha musi ni na vhumvumvu.

U Vhala

Iyani kha bammbiri ḽa mushumo ḽi re hafha:  Ṅwalani nomboro tshibogisini tshiṅwe na tshiṅwe u itela u vheya zwifanyiso zwi tshi tou tevhekana. Wanani mafhungo a no bva kha tshiṱori a no yelana na tshifanyiso tshiṅwe na tshiṅwe.

U Ṅwala

Ṅwalelani muṅwe muthu luṅwalo lwa ndivhuho nge a ni thusa vhutshiloni haṋu nge a vha na vhulenda.

Vhutsila

Shumisani phuleithi ya bammbiri kana ni gere tshitendeledzi kha khadibodo. Kha luṅwe lurumbu olani tshifhaṱuwo tshi no ri “ndi na vhumvumvu” kha luṅwe lurumbu ni ole tshifhaṱuwo tsha “ndo takala”

Kushumele

Shumisani zwifanyiso zwo nomboriwaho nga ngona kha u toolola tshiṱori.