Mbevha ya Mahayani na Mbevha ya Ḓoroboni | Nal'ibali
Home | Written stories | Multilingual stories | Mbevha ya Mahayani na Mbevha ya Ḓoroboni

Written stories

Mbevha ya Mahayani na Mbevha ya Ḓoroboni

Author

Tsho ṅwaliwa nga Jacqui L’Ange

Illustrator

Zwifanyiso nga Patrick Latimer

Listen to the story here

Mbevha ya Mahayani yo mbo ḓa ḓoroboni u renga mangilasi a maṱo maswa. Mbevha ya Ḓoroboni yo ṱangana nayo tshiṱitshini tsha tshidimela. “No ṱanganedzwa, muzwala,” i ralo. “Ndi zwavhuḓi u ni vhona,” hu amba Mbevha ya Mahayani, naho yo vha i sa khou tou vhona zwavhuḓi. Ya sedza nṱha, fhedzi lutombo lwo vha lwo dzumbama murahu ha zwifhaṱo zwitseṱha.

Mbevha ya Mahayani ya ambara mangilasi ayo. “Ingafhi miri yoṱhe?” i a vhudzisa. “Ndi nnyi a ṱoḓaho miri?” hu amba Mbevha ya Ḓoroboni. “Zwikwetamakole zwo lapfesa!” Mbevha ya Mahayani ya hoṱola. “Ndi khou ṱoḓa u ya hayani.” “Zwi a fana a hu na zwine zwa itea mahayani,” hu amba Mbevha ya Ḓoroboni. “A ni borei?” Mbevha ya Mahayani ya sea. “Iḓani ni ḓivhonele inwi muṋe!”  

Tsha u thoma tshe Mbevha ya Ḓoroboni ya vhona ndi u fhumulesa ha fhethu. Mbevha ya Mahayani yo vha i tshi dzula fhasi ha muri mudenya, fhasi ha lutombo lwo aṱamaho. “Iḓanu thetshelesa,” i ralo. Ya pfa mubvumo u ngaho wa maṱari a tshi khou vhudzulwa nga muya na muungo wa zwikhokhonono na u pfala hu tshi nga hu kokodzwa tshithu fhethu hu konḓaho.

“Ri kovhana mitshelotshelwana na zwiṋoni,” hu amba Mbevha ya Mahayani. “Na ṋotshi dzi kovhana mutoli na riṋe. Vhutshilo vhu a ḓifha!” Ha bvelela tshivhumbwa tsha tshipulumbu tshi penyaho, tshi tshi khou kungulusa bola phanḓa hatsho nga milenzhe yatsho ya mipfa. “Tshipembenene tshi dzudza zwithu zwo kuna.” “Naa hone Caracal tshi i ita mini?”

“Tshi ḽa riṋe,” hu amba Mbevha ya Mahayani. “Gidimani!” 6 7 Izwo zwo vha zwo eḓana kha Mbevha ya Ḓoroboni. “Ndi nga namba zwanga nda tinya tsitsikano ya vhuendi u fhira zwimange zwa ḓaka zwi ofhisaho!” Mbevha ya Mahayani yo dzula muḓini wayo wa zwiṱentsini, he ya ḓiphiṋa nga mulalo na u fhumula. Luthihi kha tshifhinga yo vha i tshi ḓoroboni u renga zwithu.

Fhedzi musi i tshi ya hone, yo vhona uri Mbevha ya Ḓoroboni yo vha i hone u ḓo i tsireledza. Mbevha ya Ḓoroboni yo humela murahu fuḽetheni yayo. Musi hu tshi vha na phosho nga maanḓa, na khayo, yo ṱuwa yay a u dzula na muzwala nga holodeni. Zwi tou nga ri funa fhethu hune ra hu ḓivhesa. Ni funa mini nga hune na dzula hone?

 

Madakalo a Nal’ibali

Zwine ha nga ambiwa nga hazwo

Ni na vhazwala? Vha dzula ngafhi? Ni nga nanga u dzula mahayani kana ḓoroboni? Ndi ngani? Nzulele ya kutshilele kwa mahayani na nzulele ya ḓoroboni zwi fhambana nga mini? 

Tshifanyiso

Ni dzula ngafhi? Olani tshifanyiso tsha muḓi wa haṋu na vhupo ha tsini nawo.

U Vhala

Lavhelesani tshifanyiso tsha vhupo ha mahayani nga vhuronwane. Vhalani hafhu zwe zwa ṅwaliwa kha masiaṱari aya ni wane tshiṅwe na tshiṅwe tsha zwipuka na zwithu zwi re tshifanyisoni itsho.

U Ṅwala

Hayani ha haṋu ndi hone fhethu hune na hu funesa? Kana hu na huṅwe fhethuvho? Ṅwalani mutevhe wa zwiitisi zwa uri ni nange fhethu hune na hu funesa. 

Vhutsila

Shumisani khadibogisi ya muelo wa vhukati kha u ita muḓi wa mbevha. Shumisani zwibogisi zwiṱuku (sa zwibogisi zwa mentshisi), zwithivho zwa maboḓelo na maṅwe matheriaḽavho e a vusuludzwa ni ite fenitshara ya nnḓu iyi i no lingana mbevha. Ni nga nakisa fenitshara nga zwipiḓa zwa malabi kana mabammbiri a re na mivhala. Tsha u fhedza, shumisani vumba ḽa u tambisa kana vumbavumba kha u vhumba mbevha dzi no ḓo dzula nḓuni iyi.

Kushumele

Toololani tshiṱori ni tshi shumisa vhabvumbedzwa vha re vhaṋu vhudzuloni ha Mbevha ya Mahayani na Mbevha ya Ḓoroboni.