Ntate o laela Tumi. “O be ngwana wa mekgwa lehono. O se ye ka phapošing ya ka. O se bolele le Phathu wa Lepapagai.”

Tumi ga a theeletše Ntate. “Dumela,” a realo Tumi. Phathu wa Lepapagai ga a fetole. Go na le eng ka gare ga hoko ya Phathu?

Nakana ya go ba le lerole! Tumi o ile a e phumula gomme a e letša. “Dumela, ramaatla,” a realo Phathu wa Lepapagai, “ditumo tša

gago tše tharo ke taelo go nna.” Mpa ya Tumi e bohloko. O jele malekere a mantši. “Tumi! Ke palelwa ke go tsena, lebati le gana

go bulega.” Ntate o boile gae. “O boletše le Phathu wa Lepapagai, Tumi?” Tumi o tšhogile.

“Ke duma okare ... Nka ba le malekere ohle lefaseng.” PUUM! “Ke duma okare … malekere a ka moka a ka tloga mo go nna.”

“Ke duma okare ... PUUM! PUUM! Ntate gase a thaba. “Ga o theeletše. O seleka bjalo ka yena. Lepapagai le le dula le na le

maleatlana.” Ge a kaname mpeteng wa gagwe bošegong bjoo, Tumi a nagana, “Takatso ya mafelelo e swanetše go ba ye botse.”

“Tumi!” Ntate o ile a lebelela ka ntle ka lefasetere. O bona lewatle fela. “O dirile eng?” Phathu wa Lepapagai o ile a sega.

“Tumi o bile le takatso ya gore o be le dimilione tša Diranta gore o kgone go ba le ntlo ye kgolokgolo gomme a be le phapoši ya

gagwe ya go robalela. Ga se a bolele gore kae!”

Boipshino bja Nal’ibali

Mehopolo eo le ka buang ka yona

Ke dilo dife tše tharo tšeo o ka bego o kganyogile go di dira? Ke thuto efe ye o naganago gore Tumi o ithutile yona morago ga kganyogo ya gagwe ya boraro? Naa dikganyogo ke eng? Naa re hlama goba re dira bjang dikganyogo? Ke eng goba ke mang yo a re fago dikganyogo tša rena?

Go bona

Thala seswantšho sa dikganyogo tše tharo tše o ka di kgopelago Phathu. 

Go bala

Lebelela mantšu le seswantšho ka šedi letlakaleng la mafelelo.  Naa kganyogo ya boraro ya Tumi e bile efe?  Šomiša seswantšho go utolla dintlha tša seo Phathu a tšerego sephetho sa go se fa Tumi. O nagana gore Tumi a ka ba a ikwele bjang ge a be a lebelela ka ntle ga lefasetere? O nagana gore o dirile eng morago ga moo?

Go ngwala

Thala seswantšho sa Tumi le Phathu ka pudula ya kakanyo go se sengwe le se sengwe sa tšona. Go pudula ya kakanyo ya Tumi, ngwala kganyogo ya gagwe ya boraro, o thomiše ka mantšu a: Ke kganyoga … Go pudula ya kakanyo ya Phathu, ngwala seo a se filego Tumi, o thomiše ka mantšu a: Ke nagana gore nka fa Tumi …

Go dira dilo

Šomiša khatapokisi ya thoilete-rolo goba pampiri ya go phumola diatla gammogo le pente, dikoki, sekgomaretši, mafofa, thišu ya mebalabala goba pampiri ya kherepe go dira lepapagai la gago la semaka. Efa lepapagai la gago leina.

Go bapala terama

Anega kanegelo gape o šomiša wena bjalo ka moanegwathwadi. Gape, šomiša dikganyogo tša gago tše tharo legatong la dikganyogo tša Tumi.