Singing songs, saying rhymes and playing games are natural ways to develop children’s language skills. They are enjoyable activities that help children to relax and learn more easily. When adults do these things with children, it builds a sense of trust and strengthens the bond between them. Try our multilingual rhymes below.
Nonyana tše pedi,
Tša go tšwa Bopedi,
Tša go bolela Sepedi,
Godimo ga mohlare.
Ye nngwe ke Mantsho,
Ye nngwe ke Mošweu.
Fofa Mantsho, fofa Mošweu.
Boa Mantsho, boa Mošweu.
Ye nngwe ya re, šole motho.
Ye nngwe ya re, a re tšhabeng.
Ka moka tša re: A re mo tšhabe rena!
A re mo tšhabe rena! A re mo tšhabe!
Segwagwa, segwagwa, segwagwa
Sa re go nna, go nna, go nna
Sa re etla, etla, etla
Nna ka gana, ka gana, ka gana
Sa re go nna, go nna, go nna
Sa re mpepu, mpepu, mpepu
Nna ka gana, ka gana, ka gana
Sona sa lla, sa lla, sa lla
Sa re gwaa-gwaa-gwaa-gwaa!
Sa re gwaa-gwaa-gwaa-gwaa!
Ke mmutla motona,
Ke fenya phiri le tau.
Ke mmutla motona,
Ke fenya phukubje le tlou.
Ke mmutla motona,
Ke hlalefetša phiri le tau.
Ke mmutla motona,
Ke hlalefetša phukubje le tlou.
Ke mmutla motona,
Ke jela batho mabele.
Ke mmutla motona,
Ke jela batho dinawa.
Ke mmutla motona,
Ga ke tšhabe motho, ga ke tšhabe selo.
Ke mmutla motona!
Ke nna ketlele, ke nna ketlele.
Se ke mokgoko, se ke molomo.
Tšhela ka moo! Tšhela ka moo!
Ke nna komiki, ke nna komiki.
Mo ke mahlare, mo ke swikiri.
Tšhela ka moo! Tšhela ka moo!
Ke nna pitša, ke nna pitša.
Mo ke meetse, mo ke bupi.
Se ke lefehlo, se ke leho.
Tšhela, Fehla, Thepela ka mo!
Mapimpana, Mapimpana samma,
Tsoga bosele samma.
Mapimpana, Mapimpana samma,
A re itokišetše go ya sekolong.
Mahlo ke hlapile,
Meno ke hlapile,
Matsogo ke hlapile,
Maoto ke hlapile,
Hlogo ke kamile,
Motepa ke jele.
Naa go šetše eng fela?
A! a! a! puku ya ka e kae?
A! a! a! pene ya ka e kae?
Ke di lebetše! Ke di lebetše!
Ka ka hwetša,
Bomma ba ja lewa,
Ka sweta-sweta, ka sweta-sweta,
Le nna ka ja nabo, le nna ka ja nabo.
Pudi ya phooko, namela mokalakata,
O namele botse, ka moso re ya borwa.
Tsejana tša Borwa,
Bosesi ga ba di tsebe,
Le nna ga ke di tsebe.
Mohla ke di tseba,
Ke tla re phurr Kalakata! ka re phurr kalakata!
Kolobe ye tee, Kolobe ye tee,
E eme sefateng.
Dikolobe tše pedi, Dikolobe tše pedi,
Di eme seporong.
Dikolobe tše tharo, Dikolobe tše tharo,
Di eme lešakeng.
Dikolobe tše nne, Dikolobe tše nne,
Di e eme sethokgweng.
Dikolobe tše hlano, Dikolobe tše hlano,
Di eme mohlakeng.
Nka tšea thipa, Nka tšea thipa,
Ka di re lai-lai-lai-lai! Ka di re lai-lai-lai-lai!
Nonyana motswala,
Nonyana motswala,
Ge o e bona motswala,
O e khukhunetše motswala,
Ge e fofa motswala,
O e bitše motswala,
Ge a gana motswala,
O e rapeletše motswala,
O e bitše gape motswala,
Ge e fihla motswala,
O e sware motswala,
O e game motswala,
E na le mmaswi motswala,
A bose-bose motswala,
O re fš-fš-fš! O re fš-fš-fš!
Ka bona mmutla
Ka re ke a o swara
Wa re sobe-sobe!
Wa re sobe-sobe!
Wa ya mmutla
Wa ya wa ya mmutla.
O sobeletše mmutla
O ile mmutla, o mphonyokgile.
Ka bona nonyana,
Ka re ke a e swara,
Ya re phurr-phurr!
Ya re phurr-phurr!
Ya fofa nonyana,
Ya fofa ya fofa nonyana,
E sobeletše nonyana
E ile nonyana, e mphonyokgile.
Serurubele, sa maruberube,
Fofela tlase, o yo nwa todi,
Todi ga e gona,
Matšoba a kgelwe ke Mokgadi,
Mokgadi ga a gona,
O ile nokeng go kga meetse,
Meetse ga a gona,
A nwelwe ke Phala,
E ile sethokgweng go yo fula,
Phala ga e gona,
E jelwe ke Tau,
Grrrrrrrr! Grrrrrrrr!
Tšhaba serurubele sa maruberube,
Fofela godimo o ikele.
Bana ba sekolo, bana ba sekolo,
Etlang sekolong, etlang sekolong.
Ekwang tšhipi ya lla, ekwang tšhipi ya lla.
Ting-tong-pele! Ting-tong-pele!
Bana ba sekolo, bana ba sekolo,
Etlang thapelong, etlang thapelong.
Ekwang moruti wa rapela, ekwang moruti wa rapela.
Amen-Amen, Amen-Amen.
Bana ba sekolo, bana ba sekolo,
Etlang sekolong, etlang sekolong.
Ekwang morutiši wa ruta, ekwang morutiši wa ruta.
Tee-pedi-tharo! Nne-hlano-tshela!
Ho-ho-ho! Ho-ho-ho, Ho-ho-ho!
Ga se nna tšhwene ke nna motho.
Antše seriba se,
Ga se seriba ke dikepisi tša masogana.
Antše dinala tše,
Ga se dinala ke diforoko tša masogana.
Antše maboya a,
Ga se maboya ke disutu tša masogana.
Antše ditsebjana tše,
Ga se ditsebjana ke difagwana tša masogana.
Ho-ho-ho! Ho-ho-ho! Ho-ho-ho!
Ga se nna tšhwene ke nna motho.
Ke Sewela weledi welele!
Ke Sewela magana go rongwa,
Ke Sewela dinala di a rotha,
Sewela nkgele meetse a go nwa,
Wa mpona dinala di a rotha.
Ke Sewela weledi welele!
Sewela hlatswa dibjana,
Wa mpona dinala di a rotha.
Ke Sewela weledi welele!
Sewela a re ye go swiela,
Wa mpona dinala di a rotha.
Ke Sewela weledi welele!
Owe Owe bolena!
Bašemane ba ile bolena
Bašemane ba ile šakeng bolena
Bašemane ba ile go gama bolena
Kgomo e ragile kgamelo bolena
Kgomo e gana go gangwa bolena
Kgomo ya boLephai bolena
Lephai la boMohlapa bolena
Opelelang kgomo bolena
Koša ya boLephai la boMohlapa bolena
Dikgopana tša Boroka bolena
Opelelang kgomo bolena.
Kgomo ya boLephai la boMohlapa
Owe Owe bolena!
Nkabe ke le nonyana,
Nkabe ke tšea, diphego ka fofa,
Ijoo! Ijoo! Ijoo!
O ile makgolo mošo’la,
Ijoo! Ijoo! Ijoo!
Makgolo ile mošol’a noka ya Lepelle,
Lepelle le falala ka dikeledi.
Nkabe ke le nonyana,
Ijoo! Ijoo! Ijoo!
Nkabe ke tšea diphego ka fofa,
Nkabe ke yo hlola makgolo.
O ile makgolo,
Makgolo ile mošol’a noka ya Lepelle,
Ijoo! Ijoo! Ijoo!
Mma o sepela ka lekeke,
Tate o sepela ka lekeke,
Makgolo o sepela ka lekeke,
Rakgolo o sepela ka lekeke,
Bana ba sepela ka lekeke,
Ka moka re sepela ka lekeke.
Retologela Borwa, retologela Leboa,
Retologela Bohlabela, retologela Bodikela,
Re ya pele ka lekeke,
Re boela morago ka lekeke.
Agee bana ba ka! Agee mma’rena!
Re sepela ka lekeke, re sepela ka lekeke.
Ke Ledimo, mee mee mee!
Ke Ratšimo, mee mee mee!
Ke ja tšohle, mee mee mee!
Ga ke kgethe, mee mee mee!
Ke ja le bana, mee mee mee!
Bana ba ka, etlang gae,
Re a tšhaba,
Le tšhaba eng?
Ratšimo mo tseleng,
Ratšimo o ja eng?
Bana ba bannyane,
Yo a nthatago a tšhabele gonna.
Ijoo tata’rena! Ijoo bana ba ka!
Ge ke be ke sa le letšobjana,
Ge ke be ke lala ke lla bošego bjohle,
Mma wa ka a lala a eme bošego bjohle,
A ntlhokosetša bošego bjohle.
Ge ke be ke longwa ke mala,
Ke inyoka-nyoka ke itshopa-tshopa,
Mma wa ka a lala a eme bošego bjohle,
A ntlhokosetša bošego bjohle.
Ke go rata rati-rati mma wa ka montedi.
Koko-koko, ka gare,
Thobela malome wa tšona,
Dikgomo tša ka di kae?
Ke sa ja bogobe ka nama ye tsefago.
O jele dikgomo tša ka,
A di ja le Ratšimo,
Ratšimo wa gaMadiba,
GaMadiba wa boMadiba’majakgomo,
Majakgomo ba jele kgomokgolo,
Kgomokgolo sebata sa boSerišane,
Serišane sa Kotolo seokamela mathakeng,
Kotolo ke thaba ya badimo,
Badimo baji ba bjangbotala,
Kgomo-muu-muu! Kgomo-muu-muu!
Mantlapulele, pula ya medupi.
Dupelela fase, ke bine mantlapulele,
Mma mpulele, ke binele hlahlamedupi,
Ke binele hlahlamedupi ya boMapula
Se na ka boleta, se lota le monola,
Hlahlamedupi se tlatša madibamaso,
Madibamaso a bokubu le bokwena,
Mma mpulele ke binele hlahlamedupi,
Ke re maruru maebana, ngwana mošalela ka fase,
Bommage ba loya, ba loya ka tšhwene.
Matlapulele, pula ya medupi.
Rakgolo o tšwa kae?
Ke tšwa Bopedi ngwana’ngwanaka,
Bopedi ba ja eng?
Ba ja mafela le maraka,
Ba photla ditloo le dinyebu.
Makgolo o tšwa kae?
Ke tšwa sepetlele ngwana’ngwanaka,
Sepetlele sa kae?
Sa Bopedi ngwana’ngwanaka,
Makgolo o bolawa ke eng?
Ke bolawa ke hlogo magetla, hlogo magetla,
Sehuba le letheka, sehuba le letheka,
Mangwele le menwana, mangwele le menwana.