Home | Content | Ntatauwane ya ditlakala

Story Library

Being told stories and being read to leads children to develop the rich storehouse of language, grammar and vocabulary they need to bring to texts when learning to read and write. 
Try our multilingual stories below or send us your own stories to share with others.

Ntatauwane ya ditlakala

Mesong ye mengwe le ye mengwe, tatago Siraaj o otlela theraka. Ga se theraka ya go tlwaelega ka ge e ntšha meetse ebile e na le diporaše tša nkgokolo tše dikgolo botlaseng bja yona kgauswi le maotwana. Tatago Siraaj o re ke ntatauwane ya ditlakala ye kgolo ya go ja ditlakala tša go tlogelwa ke batho mebileng gomme ya hlatswa ya ba ya gohla mebila! O re ke ntatauwane ya botse ka gore e swara ditlakala fela le ditšhila gomme ge nkabe e se gona re be re tla ba bothateng bjo bogolo!

Tatago Siraaj o rata go anega kanegelo ya letšatši le lengwe ge ntatauwane ya ditlakala ya botse e be e fokola gomme ya swanela go išwa karatšheng go lokišwa. Letšatšing leo o tsogile, a hlapa a apara go itokišetša go ya mošomong, a ja difihlolo, a thoma leeto la gagwe le le telele go ya mošomong ka iri ya 5 mesong. Ge a le gare a sepela, tatago Siraaj o ile a lemoga se sengwe sa go mmotša gore letšatši la lehono le ka se swane le matšatši a mangwe a mošomo. O ile a bona…